सास्ती (कविता)- रुपिन्द्र प्रभावी

सास्ती

             - रुपिन्द्र प्रभावी 

कुनै होनहार प्रतिभाको मृत्युको प्रतीक्षामा छ 

अर्को होनहार प्रतिभा 

कि खाली होस्-

अस्पतालको शैय्या !

एउटा होनहार प्रतिभाको शव कुरिरहेछ

अर्को होनहार प्रतिभाको अन्त्येष्टिको अन्तिम समय 

कि खाली होस्-

मृत्यु शैय्या निर्माणस्थल !

कुर्लिइरहेको छ सरकार

हावाको समृद्धि महल उद्घाटन समारोहमा-

समृद्ध नेपाल, सुखी नेपाली ।

याद रहोस्-

जुन देशको शासक सनकी हुन्छन् 

सास्तीको सिकार हुनुपर्ने 

त्यही देशका नागरिकले हो ।

         *        *         *