गीत

                                    -रुपिन्द्र प्रभावी

मान्छे बन्न कति गाह्रो, कति गाह्रो मान्छे भन्न

कति गाह्रो भाको होला मान्छेलाई मान्छे गन्न ?

कोही भेद गरिदिन्छन् नानाथरि जातका नाममा

ढुङ्गा पुजी धर्म ठान्छन् ध्यान छैन कत्ति काममा

धर्म-कर्म भन्दै दुःख मान्छेलाई नै दिन्छन् मान्छे

विरोधीको विचार नै पैसा हाली किन्छन् मान्छे

किन अघि बढ्छन् मान्छे आफैँ पर्ने खाडल खन्न

कति गाह्रो भाको होला मान्छेलाई मान्छे गन्न ?

जसले पिर्छन् मान्छेलाई उही धाउँछन् धर्म भन्दै

कहाँ जालान् परिआउँदा मेला अनि पर्म भन्दै

के होला र नचाहिने, को होला र नचाहिने

भेटिएको मान्छे छोडी के खोज्नु र नपाइने 

दुनियाँलाई भोकै राखी आफू मात्रै खान्छन् टन्न

कति गाह्रो भाको होला मान्छेलाई मान्छे गन्न ? 

[email protected]

www.rupindra.com.np