१८ हाइकु
–रुपिन्द्र्र प्रभावी
१.
बेला परीक्षा
विद्या उही घोकन्ते
चोर्न छ ध्यान ।
२.
बेलगाम छन्
दोधारे मनस्थिति
आजका युवा ।
३.
उहाँ बिरामी
औषधिको व्यापार
देशै बिरामी ।
४.
भुक है भुक
जिउँदो जनाउन
अरु के छ र !
५.
देखाऊ यौटा
गराऊ फेरि अर्कै
हाम्रा योजना ।
६.
कहाँ छैन र
सर्वव्यापी शक्ति यो
मिलेर खाऔँ ।
७.
चाहियो पद
समिति होस् या संस्था
कर्तव्य–च्यूत ।
८.
चाहिँदैन भो
हात्तीका दाँतहरु
खस्रै मीठो छ ।
९.
शिक्षा बिगारे
सङ्घ–सङ्गठनले
खत्रा मोल्छु म ।
१०.
किन मिडिया
‘पर्सन’ हात लेऊ
अब्बल बन्छौ ।
११.
व्यवसाय हो
राजनीति के गर्नु
नाफा नभए ।
१२.
कुरा होइन
चाहियो अब काम
दुई तिहाइ ।
१३.
आत्तियौँ हामी
धैर्य लोप भइसक्यो
गफाडी नेता ।
१४.
भोक टरेन
मीठो कथा सुनेर
रिँगटा चल्यो ।
१५.
खुट्टा नकाट
उचाइ बढाऊ झन्
समान हुन्छौ ।
१६.
छैन दोमन
उफ्रिन्छु म उफ्रिन्छु
दबाउँदा झन् ।
१७.
घरै बिगारी
अरु के सप्रेला र
छाला सिँगारी ।
१८.
हुने के रै’छ
थुपारीकन धन
बेचेर मन ।
पोखरा
No comments:
Post a Comment